_-_-_-_-_-_-_-_-_
سارة: يلا يابنات نزلوا الاغراض ..هاجس زيني الغدا.
هاجس: اوكي خالتي.
سارة: انا كم مره اقولك لاتقوين خالتي عمى بعينك..
هاجس : تيب.
نزلوا الاغرض ورتبت مكان جلستهم وكان الجو روعه مع شويه بروده.
مشاعل: هاجس انا اسوي الغدا انتي ارتاحي عمى بعينها ماتبي تريحك حتى في البر.
هاجس: لاحبيبتي خلاص تعودت روحي اجلسي عندهم..
مشاعل: مستحييييل اخليك.
هاجس: روحي ولا بزعل عليك يلا.
مشاعل: بس...
هاجس: لابس ولاغيره. روحي يلا.
مشاعل: تيب على أمرك.
سارة: تبي اصب لك شاي ياعواد.
عواد: ياليت والله.
سارة: تبي معه ال....
عواد الي فهم عليها: تكونين تسوين خير فيني.
وابتسم لها.
سارة: لاتنسى الي بنسويه اليوم.
عواد: سوي الي تبين كلنا تحت أمرك.
مشاعل والي لاحظت ان منيره حطت لأبوها الحبوب بالشاي.
تنهدت بضيق وجلست عندهم.
سارة: جهزت اختك الغدا.
مشاعل: ايه تقريباً
سارة: اها زين واذا تاخرت فيه وربي لأحرق وجها بذا النار.
مشاعل: استغفر الله.
_-_-_-_-_-_-_-_-_
الكل هرعوا اليهم مسرعين.
لورنس وهو يسحب فارس من الدباب الي انصدم: فارس حبيبي اخوي قوم فيك شي.
صالح: ماجد قوم اخوي .
فتح ماجد عيونه بكسل : آآآه ظهري.
ابتسم صالح على اخوه.
لورنس ونواف: فارس قوم ويضربون على خده بشويش
صحا هو الثاني
والكل انبسط .
حطوهم بالمخيم عشان يرتاحون..
دخل لورنس خيمته ونواف معه....
نواف: هالأثنين الله يعينا عليهم.
لورنس: وربي صادق.. كل واحد يعاند الثاني.
نواف: آآآه منهم بس..
لورنس: أي والله بس نفسي اعرف على ايش تهاوشوا.
نواف: الله اعلم..
~بعد 4 ساعات.~
هاجس: عسى اعجبك الغدا خالتي.
سارة: وع ناقص ملح شفيك انتي مسويه اضراب مع الملح.
هاجس ببراءة : وربي ياخالتي حطيت ملح.!!
سارة : يعني انا اكذب.؟
هاجس : لا حشاك.
مشاعل: بس الغدا كان حلو خالتي.
سارة: ايه انتي عشان اختك اسكتي وقومي صبي شاي..
مشاعل: من عيوني...
(( عواد ساكت طول الوقت وبس يشرب من الشاي الي حطت له حبوب ))
سارة : ماودكم تتمشون انتي وأختك.؟
مشاعل الي مستغربه: والله ودنا نحرك شوي بس اخاف تبون شي ينقصكم.
سارة تصرف: لا روحي مافي شي انبسطوا.
هاجس: أي والله ياليت قومي مشاعل..
مشاعل بابتسامه: قومي..
لحظه باخذ الجاكيت عشان الجو بارد.
سارة : خليه مشاعل الحين مافي برد بعدين تعالي خوذيه..
مشاعل وهي رافعه حاجب: اوكي ..
مسكت ايد اختها وبدو يتمشون.
هاجس: غريبه ساروه تقول انبسطوا..
مشاعل: الله يستر تلقين ناويه نيه على ابوي او علينا..
هاجس: الله يستر بس.
مشاعل: شفتي لمى اتوظف بطلع بيت انا وانتي وبعدها بوديك السوق اشتري لك الي تبييييييين وبجيب خدم وحشم وكل شي.
هاجس ودمعتها على خدها: الله لايحرمني منك ياختي.
وضموا بعض .....
*بعد ساعه*
هاجس: والله بردت ياختي تعالي نرجع.
مشاعل: لا مانبي اول مرة نكون مبسوطين لحالنا .
هاجس: بس انا بردت.!!
مشاعل : أممممم تيب بروح اجيب جاكيتك وجاكيتي
لاتروحين معي خليييييك عاشان ماتشغلك ساروه.
هاجس بأبتسامه: اوك.
.......
راحت مشاعل بمكانهم الي بعيد شوي.
دخلت السياره تدور جاكيتاتهم.
لقتهم اخيرا
جت بتطلع من السياره.
لكن ركب ابوها وسارة قفلوا الباب.
مشاعل بحب: بابي فك الباب هاجس تنطرني.!!
عواد: عساها بحريقه .
مشاعل: !.........
سارة: امشي بسررعه ياعواد بسررعه.
مشاعل بصراخ: أختييييييي ماراح اخليكم تتركونها يبا بناديها لحظه حرام عليكم.
عواد: ..........
اكتفى بالسكوت وحرك السياره.
ومشاعل تضرب بالقزاز وتصرخ.
لكن لاحياة لمن تنادي..
......................
كان جالسه بكل براءه على الارض تنطر اختها..
بدت الشمس تغرب وماجت.!!
تجمعت على نفسها من البرد .
تنفخ بأيدينها وتدفي وجها.
البلوزه الي لبستها خفيفه والجينز قديم ورايح لونه حتى ماينفع بشي.
تجمعت دموعها وبدت بالبكاء
لان الشمس غربت كلياً.
تحاول تلقى نور في وسط هالظلمه ظلمه الاشجار والجبال..
لاجدوى من البحث.
اخيرا تمسكت بخيط بسيط.
شافت نور مو نور إلا انوار
شنو هذا شكله عرس.
اروح له أو لا.
ياربي احس صوت وراي كأن احد يلحقني..
ركضت مسرعه للنور وما همها مين تلقى..
اصبحت قريبه للنور ولاحظت انه مخيم .!!
يارب يكون مخيم عوائل كان اهون شوي.
سمعت ضحك الشباب والكل باين عليه الفرحه .
ناظرت للسيارات وفخامه المخيم باين انهم هوامير..
اتكت على جذع الشجره الكبيره.
وهي تلهث من الخوف.
وتفكر معقوله أهلي تركوني
ابوي كيف طاوعه قلبه.
مشاعل كيف حالها.!!!!!!
منعتهم أو لا.!
وبدت تبكي بحرقه على حضها التعيس الي ممو حاصل يزين.
قطع عليها حبل افكارها.!
:ههههههههههههههههه
والله يالوالده مبسوطين واكلين وشاربين الحمد الله.
هاجس: الله صوته عذاب اول مرا اسمع صوت ذكوري عذب.
مين هو.
ياربي الله يتسر لايسوي فيني شي يارب يكون ولد حلال .. كتمت صوت انفاسها .لأنه راح يلاحظها
ومايفرق بينهم الأ جذع الشجرره.
انتهى~
توقعاتكم.؟
هاجس حياتها الجايه.؟
عداوة ماجد وفارس.؟
ريم هل راح تظل تحب ماجد الي مادرى عنها.؟
فارس وليش حس بغيره من ماجد....؟؟
مين الي ورا الشجره ويكلم بالجوال.؟
كل هذا بنعرفه بالبارت الرابع ^_^