_-_-_-_-_-_-_-_-_-_
اتكلم لكم عن خالد اخو لورنس اصغر من لورنس وهو متزوج بنت عمه رانيا وعنده منها ولد ليث وهي حامل .
لورنس رفض يتزوج لانه يبي يرعى خواته وامه ومايبي زوجه تقسى عليهم او تاخذ غلاهم الي بقلبه وخاف انه يحب ويرتبط بانسانه تنسيه اهله .. فضل يبقى أعزب.
فايزه متزوجه ولد عمتها صالح يحبها موت ومنجن فيها لكن ربي مارزقهم بالأطفال وصالح مايهمه الاطفال اهم شي انه مبسوط معها .. وام صالح الي هي عمتها دوم تجرح فايزه بالعقيم.مع انها بنت اخوها.
........
نزل من الدرج الطويل : صباح الخير عمتي .. التفت لريم وعبير .صباح الخير..
عبير رفعت شيلتها وتغطت بس لفت طرحه ^_^ اما ريم فالتها ومايهمها
رريم: زين تذكرت تنززل ..
فارس وهو جاي: ريم ياطول لسانك وش تبين بأخوي.
أم لورنس ابتسمت على هرجهم.
فارس عمره 27 ونواف 29 ورانيا 25 ((زوجه خالد)) عيال عم لورنس توفى ابوهم وامهم وتربوا بيت عمهم ابو لورنس . وموضف نواف بالشركه أما فارس دكتور جراحه بمشفى خالد ولد عمه ومرت عمه ام لورنس ..
ريم تعز فارس مرا لأنهم دايم يتقابلون بالحديقه القصر بالسرر ويفضفضون لبعض وفارس مبسوط من قربها ومعتبرها مثل اخته الصغيره
نواف وهو يمد ايده يقطع خبز: وش ترجا منها مامنها سنع غير طوله السان..
الكل: ههههههههههههههههههههههه
ريم وهي تبرطم: الحييييييين كلكم قلبتوا علي. خلاص انا زعلت واولكم فارس زعلت عليك كنت اعتبرك صقيقي.
فارس: يؤ من على ريومه دلوعتي.
ريم حست بفرحه ان فيه احد معها.
نواف: يوه بدينا اسكتوا خل نفطر زين..
.....................
أم لورنس: الله لايحرمني من لمتكم جنب بعض.
على فكره الليله بتجي فايزه ياعيال وخالد وزوجته رانيا بنجمتع كلنا.
فارس: فديتها اختي من زمان عنها.
نواف: من جد اشتقت لليث.يالبى شدوقه..
عبير: واو وناسه ..
ريم: ...........
فارس: انشاء بحاول اجي بدري اليوم.. يلا بالأذن .
أم لورنس: لحظه ياوليدي استناني بروح معك كلنا بنفس المشفى..
فارس وهو يأشر لعبوينه: من عيوني اذا الارض ماتشيل فوق راسي احطك انتي الكل بالكل..
أم لورنس: الله لايحرمني منك. يلا سرينا.
مشت قدام وهو وراها يحبها مرت عمه مثل امه لأنه حنونه معهم وماتفرق بينهم وبين عيالها..
................................
ريم عمرها 18 ثالث ثانوي علمي.جذابه بكل مافيها بيضاء شعرها كاريه بني خققان وجسمها نحييييل لكن خصرها مرسوم بدقه لانها تمارس الرياضه..عبير عمرها 21 بالكليه قسم جغرافيا.
والكل انسحب بالتدريج على اعمالهم اليوميه..الي على كليته ولي بالمدرسه والي بالمشفى او الشركه
.......................................
سارة : يلا انتبهي على نفسك شعوله.
مشاعل: انشاء الله خالتي .
قبل لاتطلع مشاعل: خالتي ممكن طلب.؟
سارة : امري يابنيتي..
مشاعل: انتبهي على هاجس انا حطيتها بغرفتي تكفيين خالتي عشاني . وتغمز لها .
سارة تبي تصرفها: انشاء الله انشاءالله يلا روحي تأخرتي..
مشاعل وهي مو متطمنه : مع السلامه..
............
سكرت الباب وعلى طول اتجهت لغرفه هاجس فتحت الباب بقوه ارعبتها ..
صارخت عليها بصوت يهز الجدران: هاجس قومي ياكسوله.
هاجس وهي تفتح عيونها بصعوبه وكسسسل مو كسل فيها لكن من التعب الي امس: نعم خالتي.؟
سارة: قومي عساك انشاء الله ماتعيشين تنامين.
هاجس: اعوذ بالله .قامت وهي تسحب رجولها بثقل...
سارة : قومي رتبي البيت وبعدها جهزي الغدا...
هاجس: انشاء الله..
آآآآه الله يعيني ويصبررني علييك والله ودي افتك من هالعيشه لو اخذ لي شايب .
شايب.!!
شقلت انا اعوذ بالله..
يلا خلني اقوم اسوي الي علي.
دخلت المطبخ رفعت اكمامها بدت تغسل بالصحون والماي يحررق جروحها لكن تجاهلتها وكملت شغلها . طلعت للغرف ورتبهتا وكنست ومسحت الكبت.. حتى صار البيت نظيف( اصلا بيتهم عباره عن مجلس وغرفتين غرفه مشاعل وهاجس.. وسارة وعواد.. ومطبخ ودوره مياه. والمخززن الي دايم عقابها فيييه . والبيت بسسسيط جداً خالي من أي زينه و الوحه و أي شي يزين بل اقل من البسيييط..
الساعه 12 الظهر..
ركبت الغدا وجهزت السلطه..
جاء ابوها شافها تشتغل بالمطبخ رحم حالها(( ابوها رحوم مرا لكن الحبوب دمرته وسويرة اعادت برمجه عقله وغيرته على بناته))
قسى قلبه ومشى للمجلس.
حس بصداع اتكى ع المركى وهو يمسك راسه من الالم
لكن هي الرحوم جابت له الشاي وصبت له .. . شافت ابوها تعبان . جلست جنبه مررت اصابعها براسه وبدت تعمل له مساج..
حس براحه لكن مارتاح من قلبه كيف طاوعه عليها . امس انا منيمها بالمخزن .. هاجس بحنان: ارتحت يبا..
عواد: أي خلاص.
راحت المطبخ جهزت الغدا على صحون . وحطته لهم والكل جلس يتغدا..
جت بتجلس لكن يد سارة كانت اسرع : على وين.؟
هاجس: بتغدا.!
سارة: اذا خلصنا تتغديين روحي عزلي المخزن عشان عقابك الجاي يكون فيه وهو مرتب.
بينها وبين نفسها بعد تخططين بعقاب جاي.؟: اوكي انشاء الله.
مشاعل: ليه ماخليتها تتغدا لاحقه ع الشغل حرام علييك.
عواد: ....................... > اذا تكلم بياكله لسان سارة وتحرمه من الحبوب<<
سارة: اكلي وانتي ساكته..
قامت عن الاكل
قررت تحرم نفسها ويصير لها زي مايصير لأختها..
........
دخلت ع المخزن الي الغبار ساكن جدرانه. طلعت اغراضه وغسلته بالماي والصابون..
وبعد ساعات من الترتيب..
اخيرأ صار مثل ماتبي الحين ماتفرق معها لو يعاقبونها فيه..
حست انها مدوخه من الجوع جسمها مايشيلها من التعب.
آآآاه مافيني اتحمل ..
بطيييح مقدرر
راحت غرفتها وانسدحت ع السرير..
مشاعل: هاجس انا مرا جعانه..
هاجس بتعب: ليه ماكلتي.؟
مشاعل: لا ماكلت ابي زيك زي مايسون فيك انا بيصير لي زيك..
هاجس: لبى قلبك اكلي ماعلييك مني انا عاتي تعودت..
مشاعل: لالا مابي مافي لاتقنعيني .. استني سارة تروح عند جيرانا نطلع المطبخ وناكل.
هاجس: اوكي حبيبتي .. انا ودي اريح شوي صحيني اذا لقيتي اكل مافيني حتى انا.
مشاعل: ارتاحي ياقلبي ..
.........
لكن سارة اسرع منهم..: فتحت باب الغرفه حتى حسيت شوي وبينكسر من قوه يدها ..عمى شوي واقول لها عضلات.
: اسمعي انتي وياها انا قررت بكرا بنروح البرر الساعه 3 وبنتغدا هناك ..
وانتي يامشاعل مافي دوام بكرا.
مشاعل: بس انا علي اختبار.؟
سارة: بلاختبار بلا هم علمتكم..
هاجس: اوكي خالتي تامرين انتي..
ماعبرتها سارة وطلعت..
مشاعل: آآآه ياهاجس وش اسوي بالقرويه الي عندنا ماتعرف نظام الكليات مقدر اغيب بأختباري فيه حرمان.!!
هاجس: بتداومين بكرا وانا الي بتستر عليك اهم شي دراستك..
مشاعل: شلون.؟
هاجس: مافي شلون. بكرا بتشوفين.. يلا عاد انا تعبت مثل ماقلت لك ..
تصبحين على خيرر..
مشاعل بدلع قربت لاختها شمتها وباست خدودها..
ابتسمت لها ورجعت راسها للمخده حتى داعب النوم جفونها ونامت..
............