يا وقت وش باقي حزن بعد تخفيه
أظن حزن الناس كلـه وصلنـي
كل التعاسه والالـم عايشـه فيـه
حتى الامل خيب بهاليـوم ظنـي
يا وقتي ترفق ترى القلـب كافيـه
كثر المآسـي بالعـذاب احتونـي
ما عاد باقي حيل همـي أداريـه
لو بكتم دموعي غصب يفضحنـي
يا وقت خذ عمري اذا كنت تبغيـه
أو خذ سنين الهم والحـزن منـي
مات الامل فيني ولا شـي يحيـه
بعد الامل كل الرجـا راح عنـي
يا وقـت يكفينـي بكيتـه وأبكيـه
عمر انقضى ما بين صبر وتمنـي
يا وقت تكفى خافقي بس راعيـه
والجرح لـي بـه ياخـذه بتأنـي