معقول ربي يكتب ف يـوم لقيـاك
شطر ٍ كتبته..مـن سنه..مانسيتـه
:
:
واليوم..بين احضاني..وصرت وياك
بهديـك شعـر ٍ كاتبه..ماقريـتـه
:
:
وفرّت كل احساسي وجيتك اهوااااك
صحّيت قلبي مـن ليالـي مبيتـه
:
:
كنت انقش حروفي على باب ذكراك
واسولف لقلبي ..((تراني هويته))
:
:
كنت انثر الدنيا على شـان دنيـاك
وابيـع شـي ٍ تونـي مااشتريتـه
:
:
كنت اشعل نجومي لجل ليل مسراك
ليل ٍ عرفني مـن كثـر ماسريتـه
:
:
خذني خفوقي منّي وقام واعطـاك
كلي..وانا من فرحتي بـك عطيتـه
:
:
موّلت للحرمان مـن قبـل لقيـاك
واليوم حزني في حضورك نسيتـه