[شاعر الجيلين]

اقتباس من مشاركة بعيد الشوح ابن خزيم هذا شعر محاورة والمحاوره فيها مكارش شوي ههههه ولكن لاتعدى صفحات المنتدى والإ بالحقيقة شاعر الجيلين من الشعراء المميزين ولكن انا حاولت اتناول موضوع ولم يساعدني زميلي على الحوار بشكل صحيح ومن ثم اخذ الطاروق منحنى آخر ههههههههه ولاهنتم بالتشجيع والمتابعة

هههههه بعيد الشوح مره حنا في عرس بالكويت وانا ماسك صف ثنيان الرشيدي انطلق علي هاك الشباب الي عمره من 18 الي العشرين وقال انا عرسي الاسبوع الجاي والله يحيك وعزم الشعراء الموجودين كان نواف العازمي الله يرحمه
وثنيان ورشيد معدي ورجاالله الجربي واستعزمت له معي اجازه وملزم علي حدا عماني باغدي مثل بكره
المهم حضرنا العرس وتعشينا ويوم جابو المكرفونات لبو المعرس جايني ويقول تفضل ياشاعر انت الي تفتتح الملعبه
وانا اتلفت يمين ويسار قلت انت قصدك انا قال ايه قلت انا ماني شاعر شف ثنيان والا رشيد قال والله ثم والله ثم والله ماحد يبدا غير شفني حلفت وهم يسمعون ههههههههههه

وانا اخذ مبدا ثنيان كان طالب رجا الله وانا ابدافيه قلت ليش انا الي ابدا قال هذا رغبة المعرس وانا اروح للمعرس وانا اساله قلت انت شايفني العب قبل هالمره وانا ماعمري دخلت الملعبه الا للصف قال لا بس شكلك شاعر خطير هههههههه