مـا تباطيـت القصـيـد !! الا تباطيـتـك
والشعر في جيتك شكـل وطعـم ثانـي ..
عانك اقبلت ولمحتـك فـي شطـر بيتـك
فكره مجنونه تسلى بضيقة اوزاني !!
.
يا اعذب احسـاس ٍ ملكنـي علـك وليتـك
تـفهم الشعـر ان شربـك بصحـة لسانـي
يعلـم اللــه فـي غيابـك مــا تناسيـــــتك
بس في مـره نويـت انسـاك ممدانـي ؟!
.
قلـت ابنسـى وارتفـع صوتـك ولبيتـك
واثـر خـفــاقـي بصــوتـك عنـك نـادانـي
ويش اسـوي دامنـي بالجـوف ربيتـك ؟
طفل تسوى هالحيـاه بعيـن : شريانـي .!
.
تلعب .. وتكبر .. وتكبر .. ليـن عديتـك :
بالغلا ( آخر نماي ) وكـل ( شيبانـي ) ..
والله ان عـمـــري بـدا (مـن يــوم حبيتـك)
وإعرف انه ينتهي لـو قلـت : تـنـسانـي !!
.
حـط فـي بالـك انـا مـن عـام خبيتـك
ان صحيت بخافـقي وان نمـت باجفانـي ..
ما بـي غيـري يلمحـك حتـى لـغنيتـك
غرت من صوت الصدى لا ردد الحانـي !!
.
من كثـر مـا اشتقـت لطيوفـك تمنيتـك
رمش عيني او تصير الشوف لا اعيانـي
وان تـمـادى هالحنيـن بـجـفـنـي ضميتـك
وقتها : القاك ! لكن ليـه مـا الــقانـي ؟؟
.
والله انـك مـن لفيـت بنبضـي حييـتـك
وكني بقولـة ( هـلا) بيّنـت حرمانـي !!
هذا حالـي يـا الغـلا مـن يـوم خليتـك
وانـت طمني علـي .. فالبعـد وش جانـي .؟
.
اذكـر انـي بالوفـا صغتـك وسمييـتـك
واذكـر إنـك بالوفـا كـنـت تـّحـدانـي
وصرت اشكك فـي كلامـك ليـن بكيتـك
وقلت موعدنا يجي كـان الله احيانـي
.
ويـوم جيـت بخافقـي وبخافقـك جيتـك
كنت انا رابح مع اني ( خاسر رهانـي !! )
والاكيـد انـي لقلبـي بـيـدي وديـتـك
وعاد شوف اليوم ويـن الحـب ودانـي ؟؟
.
يـا عسانـي صـدق ولعتـك وهميـتـك
ويا عسـاك بجـد تعشقنـي وتهوانـي
ولـو تقـول انـي بغيابـي عنـك عنيتـك
انت همك صرت اعده (حسبة اخواني !!)