هالبنت ماتستريح إلا على صدري
ينزاح عنها التعب , لكن يجي فيني !!
أحسّها تخنق أنفاسي وأنا مدري
وماباقي إلا شويّ وتدخل بعيني !!
لو الشتا هالسنه طلّ وحضر بدري
أنفاسها دون ما أشعر تدفّيني !!
والجمرتين وبقايا ريقها الخمري
يشربني هذا , وذيك أحيان تكويني !!
تشّر على خافقي وتقول : ذا قصري
وأقول في داخلك منفاي وأنفيني !!
وتقول : عاد أنت تقدر تحتمل عطري ؟
وكل شي فيها يذوّبني ويغريني !!
لو طال والا قصر بأسبابها عمري
هي وحدها اللي تموّتني وتحييني !!