11-12-2011, 05:37 PM
|
|
آرب تسعد من جفآني ’’ وانا ابيهـ ..
يارب تسعد من جفاني وأنا أبيهـ
......... وتصبّر لساني على كلمة أبغاهـ
أبيه يدري وش كثر كنت مغليهـ
......... ماكنت أشوف الموت إلا بفرقاهـ
وأبيه يدري كم من الحب معطيهـ
......... ما يذكر انه كل ما يطلبه جاهـ
وأبيه يقدّر صحبة اللي كتب فيهـ
......... حتى عيوني لو تمنّاه تفداهـ
كل القصايد طاوعت نظمها فيهـ
......... حتى القصايد قالت شلون يجفاهـ
أنا الوحيد اللي بهالكون مغليهـ
......... وهو الوحيد اللي عيوني تمنّاهـ
كنت أتمنى أسعده كنت أراعيهـ
......... كنت أحسد افراشه وهو ماتغطّاهـ
كنت أعشق ترابه وأعشق أراضيهـ
......... وأعشقه عشقن ماتوقعت ينساهـ
يالله تبعد صاحبي عن تغليهـ
......... وتحسسه فيني ونبعد عن الآهـ
|