.
مسائكم سُكر ..
من زمان ماهذرت هنا ^_^
الله يذكر ايام الأميه بخير كنت كل ابو اليوم فاضيه ومغيير مسنترهـ بذآ ^_^
واللحين حتى نفسي فاقدته _^
اليوم بالمدرسه عندي فصل ماعطيهم وجه بالمرهـ << انواع الكسل يقهرونن
عاد اليوم رايقه .. ونشبو بحلقي بيعرفون من وين أنا ^_^<< عاد شرافة قصمان تعرفون
قلت ماراح اقولكم اوب لازم تعرفون !!
عاد وحدهـ مفهيه تقول اشوفك كل يوم تجين بنقل ^_^
قلت له أكيد بجي بنقل اجل بطيارهـ مثلآ خخخخخخخخخخخ << ياهي انحرجت هع هع
المهم كل مدن القصيم الجميله قالوهـ وأنا أقول لا
عاد وحده تقول اكيد انتِ من ابريده ولا رياض الخبراء ^_^
وأنا انواع العناد ماراح اقول وبعدين عرفتوو وش تستفيدون قالو لابس بنتعرف << ابوك يالشرافه بس
عاد وحدهـ قالت لا يااستاذهـ أنتِ كذا شكللك رساااويه هههههههههه
قلت ليه قالت مادري احس انك من الرس .. كذا من الشكل احكم ^_^
قلت ايوهـ صح ^_^
ياهم ماصدقوو اني عطيتهم وجه يحوووووووول رحمتهم ^_^
وكانو بكملون تحقيق بس رن الجرس وطلعت
فديت شرافة بنات ديرتناا هع هع
.
اشعل سوآليف المحبّه .. دآخلي أبحترق
.... وإذا احترقت فـ صب لي من غيمة احسآسك مطر !
وان شفتني شآرفت بـ احسآسك على حد الغرق
.... فـ اعرف ترآني ضعت بك وانّي على حد الخطر !
تعآل دوّر دآخل اشيآئي .. وتلقى لك ورق
.... صرت أكتب بحبّك سطر .. وامحي من فرآقك سطر !