بسم الله الرحمن الرحيم
السلام عليكم ورحمة الله وبركاته ،
اسعد الله ايامكم ولياليكم أحبتي،،
من عبق الماضي،،وذاكرة الحنين....
أتيتكم بتلك المتواضعة..
أرجو ان تلقى إعجابكم،،وقبولكم.
قــــــمـ،،/لــلـــوداعــــ/
قم للوداع الليل قرب رحيله=جاريةٍ الفرقى على ساير الناس
اغيب عنك أيام ماهي طويله=خمسة ليال وعقبها نطوي الياس
اوادعك والروح مني عليله=قلبي يذوب ويدهله كل هوجاس
واللي مضا لي معك ذكرى جميله=ذكرى تجدد لاضوى ليل الادماس
عندي محبة غيركم مستحيله=وايضا محال انساك ياعدم الاجناس
بعض العرب لوغاب نلقى بديله=وياكثر جلاس تعوض يجلاس
والا انت غالٍ مالقينا مثيله= أغلى من كنوز الجواهر والالماس
حسبي على الايام كم هي بخيله=ياما احرمتني منك وابقت لي الياس
كم فرقت بين الخليل وخليله=لاافراحها قياسٍ ولااحزانهاقياس!!
،،،،،
مع خالص،،
التحية والتقدير
،،،،
بندر الرشيدي،،