[سحايب]

كنّيت من حرّ الهـــــــــــــواجيس دخان
اخلــــف ظـــــنوني دام قلبــــي فقيده

يا هم ما لــــي به عــــزومٍ علـى شان
يرِكي لـــواقيع الـــــزمان الشـــــــديده

مر الزمـــان و خاطري يا سعد شـــــان
يا شينــــــــــها لا شانت اريا ســـديده

مرّه يشــــور الدمع من عقب بـــــرهان
فـــوق الخـــــدود و جرّته بي وكـــــيده

و مــــرّه يلاحيني من الورق شفــــقان
يبغــــى المطير و ضاق من هـــم قيده

و يا وجد حالي وجد من فاقد اخـــــوان
نهــــار عيــــــد و عقبها مات عــــــيده

تــــلاحقوا بالبــــــــــير .. فزعه و لا لان
حـــيل الفقـــــــــيد و عّقد الحمل ايده

ما عـــــاد يدري يلــــــحق فلان و فلان
و الا يشــــــــــــــيل اللي تجوّد بجيده

ماتت عـــزومه قبل توديع الاوطـــــــان
عــــزّي لعــــــــــودٍ فاقـــــــدٍ له وليده

حـــالي مثيل له يا مدعــــــوج الاعيان
غـــــير ان حالي ما كفتــــــه القصيده

الله يبيــــــحك كــــل ما جرّ الالــــــحان
من لاعـــته دنياه .. عقب النشـــــيده

الموضوع الأصلي: مر الزمـــان و خاطري يا سعد شـــــان | | الكاتب: سحايب | | المصدر: شبكة بني عبس