[أنفاس الفجر]

البارحه ماغير قلبي وحالي
نرسم تفاصيل الامل في حياتي


ونداعب هموم القدر في تسالي

يمكن نداوي علة هموم ذاتي


عشمت صبرالنفس باللي بقالي


من هالحياه ولين حزة مماتي


عشرين حولن بالزمن مامضالي

أربع سنين جنيهن ياغناتي

قضيتهن مابين عمن وخالي

ابغى اتوظف قبل ممسك عصاتي

وهذايأملني ويبني خيالي

وهذا يقول لابد الرزق ياتي

وهذا يتشمتبي ابطريقة سؤالي

متى اتوظف ياحليف السباتي

فتح عيونك شوف وشلون حالي

أنا بعمرك وهذي أصغر بناتي

وهذا يتوسطلي وعليه اتكالي

قدام ربعه ازعيم عنده نجاتي

ويبدايتزهل في حمولة جبالي

ويطق صدره لين الملم شتاتي

يمر شهرشاغلن في بالي

عزالهقاوي ياعديم الثباتي

وأمي تواسيني وتبكي بدالي

في قلبها غبنة ولدها تحاتي

الفقر يكسرفي كريم الرجالي

والدين يأسر في عريب النباتي

والضبع يجسرفي ذياب الليالي

الياذبحهم جوعهم فالمماتي

صرت استحي حتى بميلة اعقالي

ومدة ايديني تستحي من عطاتي


وهموم بقعا جاورتني قبالي

وقامت تنغسني بموعد مباتي
شربت الهيف يوم شفته عنالي

قلط تقهوى لوعلى حساب ذاتي


عشعش على صدري وصعب انتشالي

محدن بهالدنيا يسوي سواتي

ياونتي ونة خلوجن توالي

بحنين صوتن عند قومن طغاتي


تصبح خفوتن وحدها دون والي

والله ينسيها هموم الوفاتي


يالله ربي ياعظيم الجلالي

تفرجلي هموم في ركعة صلاتي

الموضوع الأصلي: قصيدة الوظيفه سلطان العنزي | | الكاتب: أنفاس الفجر | | المصدر: شبكة بني عبس