[المجبور]

مساء & صباح الخير
هذي أبيات كتبتها قبل فتره بعيده
أحببت أن تكون ببين أيديكم
وكلي أمل أن ترتقي لأذواقكم وتنال إعجابكم

ياشيب عيني يوم قالت لي وداع=أحس جسمي ماتشيله عضامي
قفت وقلبي في تقفّايها ضاع=وإن ضاع قلبي بعدها مايلامي
قالت وداع وعقبها راحت بساع=ما أعطتني فرصه حتى أكمل كلامي
قالت وداع وهلّت العين الأدماع=مافكرت لحظه ولا بإهتمامي
كني بعدها ضايع وحوله سباع=في ليلة(ن) شلتا كساها الظلامي
أو كني اللي من بعد ماغدى جاع=في وسط رمضا والوطا حيل حامي
ياطيب حظي بالعنا وكثر الأوجاع=ماهو مقصر لا وعلي الحرامي
يعطي ألم يعطي عنا أشكال وأنواع=ويجيبها لي كاش قبل السلامي
عيني بعدها بان من دمعها شعاع=حتى لقدوم العيد ماعدت ضامي
لا ياحبيبي وش جرى بل الأسماع=علمني وش هو دافعك ياغرامي
يومك تقفي وخاطري فيك طمّاع=وتحرمني منك ياغزال العدامي
ما أذكر إني فيك قصرت لو ساع=دايم وحبك فوق صدري وسامي
إن جيتني مشتاق أقبلت فزاع=وإن رحت مني صار صدري حطامي
وأذكرك كنت تقول لو ما الزمن طاع=أبقى حبيبك لو غدى الجرح دامي
واليوم رحت ورحت دون أيّة نزاع=مافيه عذر(ن) واضح(ن) لي قدامي
إلا أن سيف الهجر ساطي وبتّاع=وهذي وسومه فوق صدري علامي
يومك تقول وداع وصديت وبساع=أقفيت حتى قبل أكمل كلامي

كلمات / المجبور سهل البحان

الموضوع الأصلي: عيني بعدها بان من دمعها شعاع .... حتى لقدوم العيد ماصرت ضامي | | الكاتب: المجبور | | المصدر: شبكة بني عبس