عرض مشاركة مفردة
  رقم المشاركة : [ 1  ]
قديم 03-11-2011, 01:44 AM
الـريـم
عضو متألق
الصورة الشخصية لـ الـريـم
رقم العضوية : 12909
تاريخ التسجيل : 15 / 5 / 2011
عدد المشاركات : 2,170
قوة السمعة : 17

الـريـم بدأ يبرز
غير متواجد
 
الافتراضي شيءٍ يجي منٌه و بأحسان .. ما أبيٌه .. و الله لو نفسي لملكه .. شغوفه


عرش الغلا .. قدره على قدر راعيٌه
و الا العروش الخاويات .. أمخلوفه!!



شيءٍ يجي منٌه و بأحسان .. ما أبيٌه
و الله لو نفسي لملكه .. شغوفه


الله يصد العبد عنٌه .. و يعطيٌه
عقلٍ يشوف .. و نفس بيضاء .. عطوفه


أنشد .. و أنا اجاوبك .. يا ( لا ) يا ( أيٌه )
يا زينها بين الثنين .. أمحفوفه


مافيٌه داعي تكشف العلم .. و أخفيٌه
مثلي .. يطابق هرج قلبه حروفه


وش حيلتك؟ لا صار لك شخص تغليٌه
تطيح طيحاته .. و تاقف وقوفه


تشتاق لعلومه .. و تضما حكاويٌه
و أن مر طيفه .. رحت تذبح خروفه


و وش حيلتك ؟ لا صار بايعك شاريٌه
قلبك .. و شاري منزله مع ضيوفه


شفني مغير أجيب ذكره و أوديٌه
و لرضاه أسوي كل ليله .. ( بروفه )


لين أنتهى .. و القوس في كف باريٌه
راحت طيوفه .. تشتبك مع طيوفه


و انا الين اموت .. باقي مواليٌه
لو تكثر أحزابه .. و تكثر أحلوفه


خله يروح .. و ينجرح صدر مغليٌه
مسموح .. و لحون الوداع أمعزوفه


مانيب قايل في غيابه ترى فيٌه
بأقول حكمه .. من زماااان معروفه


(أحدٍ كفيف .. و عين قلبه تقديٌه
و أحدٍ يشوف .. و لا يقديٌه شوفه)




توقيع الـريـم
,.. انا عين ابي الفاتنه


طيفه.صوته.وصفااته


انا عطر ابــي وفرحة شبابه


انا كل شي جميل في ابــي


الا قلبـــه,,فــ قلبه اطهر منـــي..,