.
.
.
اثنين داخل دائره نقطة لقاهم زاويه
.............. ودام اللقاء في زاويه اصبح لقاهم /مستحيل
هذا انا وانتي كذا ودروبنا متلاويه
.............. يعني بلاش من التعب مادام مامنه حصيل
بلاش نمشي في طريق ينتهي في هاويه
.............. مادام حظك منسدح وانا معك - حظي عليل -
صار الشقى ودروبنا خطواتهم متخاويه
.............. ولافطر كبدي سواء لاقلت لي (صبر جميل )
واسنين عمري اجدبت وسنين عمرك ذاويه
.............. وحنا نتحرى هالنصيب يمد لو شي قليل
بس الوكاد ان الظروف اللي قوتنا قاويه
.............. تبخل علينا اكثر من اللي يبخله ابخل بخيل
يعني وش اكثر من كذا لا قلت لك متساويه !!
.............. (نار انتظاري للقاء ونار انتحاري للرحيل )
الا ان لقيتي ملتقى وجاء للدوائر زاويه
.............. اصير انا اول من قدر- ينفي - وجود المستحيل