هذي قصيده قدييييمه اذا احد عنده معلومات عن قائلهااا يقووول
قولوا للغالي قولوله
وش هوله يبطي وش هوله
ماجا ولاجا مرسوله
والحب الله يكفي شره
انا عليل الضماير
انشد واسوق البشاير
همي زاد وفكري حاير
فارقني والفرقه مره
امشي وانشد عن مظنوني
واسهر وانتم ما تدروني
دامي ماشفته بعيوني
ماترقد عيني من سره
اترك سكه واقضب سكه
لقيت ابواب منصكه
جيت الطائف واهل مكه
قالوا ما شفناله جره
جيت اهل ابها واهل الوادي
وانشدهم حضر وبوادي
قالوا عود يالنشادي
ماجا الدواسر والمره
وانشد شمر وانشد علوى
واهل قطر واهل سلوى
قلت انا مبلي بلوه
في زين المبسم والغره
قالولي وش لون اوصافه
نرسله ناس عرافه
تجوب بنجد واطرافه وتنشد وتلقا مغره
قلت اوصافه ياخلق الله
كامل والكامل وجه الله
في عيني ما مثله والله
قلته مره بثر مره
اوصاف الغالي غريبه
عين وخد وجيد وهيبه
عذبني والله حسيبه
يامنه شكيت المضره
