[ذيبان الرشيدي]

للحر شرهه .. للمواقف مناعيـر=والليل .. مرباع القلوب العليلـه
والريح .. ماهبت على ساقت الطير=والطير .. هبات الهبايـب تشيلـه
والنار تزمي .. والنوايـا مغاتيـر=والحلم يجنح .. والليالـي طويلـه
والظرف .. يومنه حدا سالم الزيـر=ماباق ربعه .. وأستهـان القبيلـه
والشعر .. لامنه حضر للشواعيـر=ساقوا بيوتٍ .. ضافياتٍ جزيلـه
ياصاحبي .. راحت لهيب وزمهريـر=دوك الخبر .. وأرك الحمول الثقيله
أما .. تخليها هجـوس وتفاكيـر=والا .. يجيك الذيـب والا تجيلـه