لوتضيق الارض ماضاق صدري يا بدر
وانت عارف بالخفا دقها مع جلّها
راقي ٍ في راس قمّة ولا نازل حدر
دام ليّة غاية ٍ لازم ٍ أوصلّها
والله الوالي وانا امشي على كف القدر
راضي ٍ في قسمتي لو تردّى كلّها
ما حنيت الهامة إلا لواحد مقتدر
جل شانه خالق الخلق ويسجلّها
والحظيظ اللي حياته حوة وسعت صدر
والتعيس اللي حياته بفعله ذلّها
ما ذهلني غير طعنة وجتني من غدر
من عزيز ٍ له مكانه محد قد حلّها
لوهي الطعنة من اللاش ابو وجه ٍ ودر
وقفتي قبل إلتفاتي ماهو كفولّها
والنصيحة قالها شايب من أهل المدر
انت عالي عيب هالناقصة تنزلّها
مادخل في صدري الضيق والحقد وكدر
دامني امشي دروب التقى وادلّها
لوتضيق الارض ماضاق صدري يا بدر
و الاوادم دقها يفترق عن جلّها