[سند الداموك]

لقطه من جوالي لمدينة أبها >>من شقتي ^_^

\\



جيت لـ (أبها) وقالوا عودت للرياض
................والله إني ما جيت إلا على شانها
علموني ودمعي فوق الأوجان فاض
..............وأغرق (أبها) وسودتها وشعبانها
دمعتي غيث سحبٍ وسطها البرق ناض
...................استهلت بعد ما ماع ربانها
وانخفض ضغط قلبي من عناي انخفاض
................وذابت الروح حين اختل شريانها
وقلت يمكن مقدّر ما عليه اعتراض
..................يالله إنك تقوي النفس بإيمانها
وتلطف بروح وردت للمنايا حياض
..................والسبب جادلٍ ما خف ميزانها
ويش أوصف وصايفها طوالٍ عراض
.................الله اللي من عيون البشر صانها
خدها فيه حمرة ورد شاعه بياض
..................شعشعت بالحياة وزانت ألوانها
عين حرٍعلى الخرشا طلع بانتهاض
..................شافها عقب ما ناضت بجنحانها
نادرٍ كل ما شاف العنيد استهاض
...................يلحق أطيارها لو طال ميدانها
وعودها خيزرانٍ غض لدنٍ غضاض
...............وفارع الطول في أعلاها وفي أغصانها
عنقها عنق ريميٍ من الصوت جاض
..................استذارت وجات الرّمية وزانها
وكن في صدرها الطير أزرق الريش باض
...................بيضةٍ ما لمسها غير فستانها
وغير هذا عفيفة ما مشت بانخفاض
....................راجحٍ عقلها تفخر بجدانها
بنت قومٍ لهم تاريخ حاضر وماض
.................تكسب الخيل هاك الوقت برسانها
حبها زارعٍ له بالضماير فياض
..................أزهرت عشق والبستان بستانها
الله اللي فرضها فالضمير افتراض
..................صرت في حكمها واتبع لسلطانها
ليت أبوها على شاني تريض وراض
....................انتظرني وقدّر دمعة أعيانها
بعدها ما لنا بـ(أبها)العزيزة مراض
.................تقعد (أبها) مثل ما هي لسكانها

صح لسانك يانواف العتيبي