.
..
أحاول أكتم أنفاسي أعدّي ضيقتي / وأنام
أباعدهم عن عيوني / يجون فــ مُعظم أفكاري
تعبت أقسى , أجامل , وأحترق أيام
يطول الوقت : وأتناسى من البايع من الشاري
تحملت الـ جفا منهم تعب هالـ قلب ماينلام
طعم هالمرّ في حلقه يذبّل كلّ أشجاري
صرخت بصوت متجرّح : ياغيّابي كفى أوهام
كفى هالصّبر حطمني / كسرني في وسط داري
قويت الـ هم لكنّ الغياب أقوى من / الالآم
ومن كثر الـ قهر فيني : كتبته حزن بـ أشعاري
أشاكي الليل خلّوني أهذري والـ جروح اقْيام
ملامحهم تناديني / وأحسّ الشّوق بي عاري
يطلّ الـ صّبح أستنجد بقاياهم وأجرّ أقدام
إليييين أوصل مراسيهم / أبيّح آخر أسراري
فقدت الـ فرح / إحساس الأمان / ومابقى أقلام
أخط فيها تناهيدي / طعوني / طيحة أسواري
يهون الـ جرح لامرّوا بعيني وأنطق إستسلام
تعالوا ضامني هالبُعد / يَكْفِي لعب / بـــ أقداري
لـ..رزآن العتيبي