[عبدالرحمن الحميدي]

ابشرك سافرت عن شط الاحزان=من يوم ماخان البحر بالمواني
ماعدت مثل اول مُتيّم وهيمان=ماعاد لي قلبٍ وراك إيعصاني
ماعاد لي قلبٍ على الوصل شفقان=رميت قلبٍ للمواجع رماني
ماني بـ راعٍ له ولا احنا بـ خلان=كانه على دروب الهلاك إيهداني
واللي حصل زله وانا اصلي إنسان=وجحرٍ لدغني مانلدغ منه ثاني
والله ماتبع من نواني بـ حقران=لو اتسبب في حطام المحاني
روح الرجل هيبه وطيبه وسلطان=وش استفيد إن كان قربك هواني
لا ماتبعك واميل لك ميل الاغصان=والبير ناشف ليه اجر السواني
لا والله ابعد واترنم بالالحان=وش لي مع اللي للهلاك إيحداني

الموضوع الأصلي: ابشرك سافرت | | الكاتب: عبدالرحمن الحميدي | | المصدر: شبكة بني عبس