انقل لكم القصيد التي القاها شاعرنا المبدع سعيد عيد الرشيدي في حفل المشاعله من بني رشيد ضمن الامسيه الشعريه في قصر المعالي ببريده وقد تمت تغطية الحفل من قناة صدى الفضائيه وسوف يتم بث الحفل على القناه بالقريب العاجل
المجد تاريخٍ تسجل احروفه=ما كنه ألا طويق عال المقامي
والطيب يعرف والاسامي امعروفه=واسم ابن مشعل من خيار الا سامي
صغيرهم بالجود تندح اكفوفه=سلمٍ لجده والابو والعمامي
نفسه عن الهفوات دايم عيوفه=يشوم شومات الطنيخ القطامي
واحدٍ سمع بسهيل واحدٍ يشوفه=واحدٍ على عينه غشاها الغمامي
واحدٍ غيابه ما عليه الحسوفه=واحدٍ حضوره نور عكس الظلامي
والآدمي منشاه حسب ظروفه=منشاه شرقي لكن العرق شامي
ويامرحبا في حفل مكرم ضيوفه=نيابةٍ عن لابتي يالحشامي