الله لو تدري بخافي ضنيني
وعن فكري اللي دائما فيك مشغول
يا اغلى من الخافق ومني وفيني
قلبي سبب حبك غدا شبه مقتول
ودي إذا بتعرف بقدرك تجيني
وان كان هو ياصاحبي غير معقول
انت الوحيد اللي بروحي وعيني
والقلب عن غيرك من الناس مقفول
واللي نوى يهدم محبة سنيني
بعيش باقي عمره اليوم مخذول
ياخلي ياللي بالهوى تحتويني
احترت مدري وش عن اخلاصك اقول
الله يبعد عنك الحاسديني
وتعيش لا ناقد ولا هرج عاذول
هذا ولك حبي وكامل حنيني
وان ماظفرت بوحشتك قلت لاحول
.