محاوره بين الشاعر مريف العويمري والشاعر عبيدنوار الميزاني المطيري
عبيدنوار المطيري
سلام الله عليكم لجل دعوه من دعاني جيت==سمو الشعر يسمو بالغلاوالصاحب الغالي
انا لاجيت في سوق الغلامن فضل رب البيت==صرفت من الذهب صرف الذهب وجنيه واريالي
مريف العويمري
نيابه عن هل الكفه نرحب بك ليا غنيت=== ولا من جيت مقبل منزلك في مزل" عالي
وانا قول النجاه وشكر للخالق ليا صليت===لو اني بلمعان الوافيه رجلي وخيالي
عبيدنوار المطيري
بقيت ولا لقيت الا انت في الكفه ليا كفيت===انالي حيل مع حيله وتغلب كل محتالي
ترائي في صلاتك وانت ماتقرا ولاسميت===عنيزه طلعتك ولكعتك بوقتك التالي
مريف العويمري
انا جبت البيوت اللي تهذريبك ليا سجيت ===تدور بك السنه وانته على يا ليل يا لالي
عليم الله في صدقي وفي كذبي ليا زليت===وعنيزه دارك اللي حاملتك بحضنها البالي
عبيد نوار المطيري
بيوتك ماتهذريبي لياسندت بك وانحيت===ترثعبك خلا وانته تلقيت الخلا الخالي
يامشاالله ياذكر الله تديور كل مالفيت===يصيبك مايصيبك من نصيبك يابعد حالي
مريف العويمري
عيون الناس ما ترحم ودلوي ورد يوم ادليت=== ولا انته ذاخر" جهدك لكنَ الحال من هالي
واجيك بوجه ما يقبل معاذريك ليا قفيت===حضوض الناس يا بن الناس تقلب نوب غربالي
عبيد نوار المطيري
تحصنت بذكر ربي ليااصبحت الصبح وامسيت===لكن انتـه جمل والا جبل والا يورالي
وش اسمه من قدح في عبوه البنزين باالكبريت===يبي يقبس ويقبسبك وتقنع من صلا الصالي
مريف العويمري
من التورات والانجيل لا تقراء ليا وضيت ===تساوت عندك الازوال من شيطانك الوالي
تصور لك بيوت الشعر نار"في طرفهازيت===على هونك طروق الملعبه شيله وموالي
عبيد نوار المطيري
تساوت عندي ازوال العرب مير انت وش ساويت===على بالك ترى بعض الكلام اللي على بالي
ترى والله مافيها شي قدام العرب لزريت===ترى عين الشقا زرقا تهل الدمع همالي
مريف العويمري
انا اللي من ضمن جيش الاسود اللي منه ونيت=== على بالك كلام ولا قدرت تغير افعالي
على بير الموارد شفت زولك يوم اله شديت=== جروحك داميه لكن ربك فوق متعالي
عبيد نوار المطيري
ضمن جيش الاسود ولنت اسد والفرق كيت وكيت===خلايا مخ راسك مغلقه في وقتك الحالي
وردت العد اشوفك واقصرت دلو ك بعد دليت===مثل محدارها مرجاعها دلوك مع الجالي
مريف العويمري
جهلت وعادتك يا صاحبي دايم على لو ليت===ولكن راجع ادروسك عساك تكون حمالي