بسم الله الرحمن الرحيم
السلام عليكم ورحمة الله وبركاته وبعد .
حيث تطرق الكاتب
ابو عبد العزيز حفظه الله عن فرسان المهامزة ولكن في الفقره التي كانت تتحدث عن
فرسان الثعالبه لم يذكر سوا شخص واحد فقط ولذالك أضيف معلومه عن فرسان فخذ الثعالبه المشهورين والذي لم يتطرق إليه الكاتب :
1- رشيد ابن عايد ابن مدعث الثعلبي المهيمزي \ ومن ابنائه المستحقين لذكر مايلي
- عايش ابن رشيد ابن مدعث الثعلبي المهيمزي
- فالح ابن رشيد ==============
- معيبد ابن رشيد ==============
- عويش ابن رشيد =============
هؤلاء ممن لهم صولات وجولات في ذالك التاريخ وقتل منهم ثلاثه في مختلف المعارك ماعدا عايش
توفى قبل ستين سنه تقريباًََ عن عمر يناهز 80 عام
ماهو اقتباس اخذ العلوم الاكيده *** مصادر تروي ضمى كل عطشان
ماهي علوم الي قليل رصيده *** راعي العلوم الي على غير برهان
مسجله عند الوجيه الحميده *** الي لهم في ماضي الوقت وجدان
كلن فنا ومسجل له رصيده *** عندي وعند الي حضر يوم الاكوان
يــالله ياعــالــم خفايا عبيده *** تضفي عليهم رحمتك سر وعلان
( هديبان ابن مدعث )
ومن مرثيات عايش ابن رشيد ابن مدعث الثعلبي المهيمزي في اخضير ابن رفادان النمياني
عوص النضا غربن بخضير ** في حبل الادراك طشنه
عقيد هجن السعد والخير ** وان صمل العلم ينصنه
قبله طيوري تعشى الطير ** امي ابويه قنوهنه
يا ماخذ البل من ارض مطير** وكم قلط السبر بالقنه
يبكنه اليوم خلج الضــــير ** ويبكنه الي يعرفنه
امه تصيح قبول عصـــير ** تبا الهبايب يجيبنه
يالله يالي تعيش الطيــــر ** تعوضه بروحه الجنه
ومن المرثيات في فالح ابن مدعث
عليت يالي طاح من بين ريكين ** الي ليا ركب النضا يقبلنه
ياذيب يالي مدهلك ضلع فرجين ** بلغ ذيابه ريك لا ياكلنه
ياذيب حطه في كهف ضلع ريكين ** وداعتك سبع الخلا لا يايجنه