[ناصر الرشيدي]

لكم اقدمها فهي
مجرد بعثره لحروفٍ كالسحاب في سماء قلبي
حاولت جاهداً ان ارتبها فأتت كما هي .
اتمنى ان تقبلوها كـ شكر لكم على حضوركم .

~| || كَنيسـَــة ُ الصّمْــت || |~

حــاولت اخفّي شــوق قلبي عن الناس=ولقيت صوت الـ آهـ يفضح حنيني
نبضـات قلبي دمعــــة العـــين الانفاس=ايامـي شهــوري و باقــي سنيني
اشواقي افراحي قصيدي والاحساس=كلهم يبــونك حتــى انــا ما ابيني
نبيـــــك جــــينا كلنــا نتـبــــــــع الياس=نشرب امل شوفك وتضماك عيني
غـلاك شجـــرة حــب و طبــوعك الفاس=ووصلك مطرها بس وينك و ويني
لا تلحقيني لـــــوم لـــو ينكســــر كاس=شوقي وكان العـذر رعشة يديني
انا قـــريت بوجــــه الاصحــاب لاباس=و بضحكهم لمحــت ربـــي يعيني
ناديت صبر أيوب مع صبر ابو دباس=مع صبري اللي ماقـدر يحتويني
ابي كنيســــة صـمتك تـدق الاجراس=والاّ دُعــــــاة افراحـــك تلـّد فيني
صـــوتي يناديلك تعـــــــالي يا الماس=وصوتك يحول الصمت بينه وبيني
رجعتك فنجـــال قهــــوه يقعد الراس=وغيبتك مــوتٍ كل لحظــــه يجيني

~|| دمتم بـ خير ||~

الموضوع الأصلي: ~| || كَنيسـَــة ُ الصّمْــت || |~ | | الكاتب: ناصر الرشيدي | | المصدر: شبكة بني عبس