اخواني بني رشيد عبس كثر بالاونه الاخيره قصائد المدح سوى الممدوح يستاهل ام لا والله ياخوان انه يحز بنفسي عندما اسمع شاعر يمدح شخص وعندما اسال عنه جماعته يقولون مايسوى ملي اذنه شعير وهذا حرام اخواني الشعار من وجهة نظري ان نقسم الشعار الى ثلاث اقسام
النوع الاول ان هذا الشاعر طرار يعني شحاذ عايش على لسانه ولاعنده احساس وضمير بما يقول ويمدح ناس لاتستحقون المدح
النوع الثاني منافق وعكاف يركض وراى الشهره ولو حتى في قصيده ظلم وكذب وبهتان والعياذ بالله
النوع الثالث عاقل وحكيم وعزيز نفس ويخاف الله لايقول الا مايرضي الله ولايمدح سوى رجل مشهود له بجميع النواع الرجوله وهذا النوع من الرجال يستاهل كل خير اخواني راقبو ربكم بالمدح وسال قبل تمدح هذا الشخص هو يستاهل المدح ام لا
تكفون يبناء عبس عربين الانساب= لاتمدحون الا بعد تنشدوني
نوب الرجل يمدح وهو ماكر غراب = اقولها وانتم عنه تكرموني
قضا حياته لايودي ولا جاب= حتى بشب النار يمكن مهوني
لكن رزقه الله بمالن بلا حساب=وهو من اول مهلكته الديوني
وقامو يخدمونه طولين الاشناب= وهو على المركا يبق العيوني
خلاه ماله كنه عقاب وحجاب= واليا هرج كل البشر يسكتوني
وهذا وشكله مايعقبون الاطناب= ليا ثارت الهيجاء ضحا يختفوني
تكفون لايمدح سو كعام الاجناب= عز الرفيق وضد من يطمعوني