ما أجملها بصوت الشيخ مشاري العفاسي من أشعار/ ثامر شبيب
دنياك لا ضاقت عليك وتكدرت=فوق المحل ربعك غدو لك عقوبه
وأخذت لك ساعه بنفسك وفكرت=وحسيت عينك بالدموع مغصوبه
لا تنكسر لو شفت نفسك تكسرت=ما دام في هالكون ربك وتوبه
الله ليا منك دعيت وتذكرت=ياخذك من هم الزمان ودروبه
عندك (أنا) ياما مشيت وتعثرت=غلطات من غيري علي محسوبه
وأنا أستحيت من الذنوب وتغيرت=ولا كل واحد يستحي من ذنوبه
يالله تغفر لي إذا يوم قصرت=جمله وقلها بضيقتك كل نوبه
الناس تتأثر مثل ماتأثرت=أحيان ما يتحمل الشخص ثوبه