إقتباس:
اقتباس من مشاركة
المعزب 
لاهنت يابو صالح
كل الشياطين صفدت الا شياطينك يامصفي المرح حتى في رمضان هههه
هذا المعزب اللي يقول مصفي المرح فرك لها اسمعو واحكموا
مابقى من شهر شعبان غير القليل
الله انه يبلغنا رمضان وصيامـه
قلعة المجد نلقى في طرفها مقيل
شامخه بهلها حتى تقوم القيامـه
إقتباس:
اقتباس من مشاركة
مصفي المرح
مرحبا بالمعزب مع قدوم الفضيـل
غايب اله سنه والمشكله في عظامه
انت راعي محل وزبدتك بالصميـل
ماطواك الدهر والخوف قامه وقامه
إقتباس:
اقتباس من مشاركة
المعزب
والبقا يالمصفي لاصفالك حصيل
يوم مريت ماعينت راع الجهامه
الهوى لاطرق عود الثمامه يميل
والسلامه غنيمه والغنيمه سلامه
إقتباس:
اقتباس من مشاركة
مصفي المرح
دعوتك مالنا فيهـا ومـدك بخيـل
وانت مانصبوك الى عطوك الزعامه
صاحبي يحفظ الامثال مالـه مثيـل
والرسيفر خطير انه يلخبط نظامـه
إقتباس:
اقتباس من مشاركة
المعزب
جيت خرمان ادوّر هيل مع زنجبيـل
وراعي البيت قبل الكيف قدم طعامـه
انت اضنك على شاشة جهازك ثقيـل
اسمح النفس واصحا تقول هذا علامه
إقتباس:
اقتباس من مشاركة
مصفي المرح
انت درة عليك الفاطر ام الجميـل
غيرها لوذبحك الجوع مت ابتسامه
هاك وضح النقاء ماعاد عندي بديل
صاحبك لويدس ايدس راس النعامه
[quote=المعزب;2403179]
والله انـي مـادور فيـك راي ودليـل
بس يالذيب غرتني عليك العلامه هههه
مير بلغ هل الـراي السـلام الجزيـل
الزعامه ماتصلح غير لهـل الزعامـه
[quote=مصفي المرح;2403233]
يالمعزب ترى لليل المعنيين لليل
تسمع الهذر لاونه خشع في منامه
اخر العلم من مثناة بطن المسيـل
يوم شاف السما قام يتراكم غمامه
.........................