01-08-2011, 02:28 AM
|
|
المرجلة .. جديدي
السسلام عليكم ورحمة الله وبركاته
كل عام وانتم بخير .. ومبارك عليكم شهر المغفرة والرحمة ..
تغيرت موازين الرجولة .. اصبح الكثير من شبابنا لا يعترف بها ولا بوجودها .. تغيرت المفاهيم !
واكيد ان فئة الشباب هم اكثر من سيفهم ما ارمي اليه من هذا النص !
عموما .. اتمنى اني استطعت في هذا النص مناقشة قضية مهمة في وقتنا الحالي ..
اترككم مع النص !
::::
الرجولة ماضي الاوقات كانت قو هيبه
والرجولة وقتنا الحالي صداقة مع " فتاه "
ياخذ الجوال ويجاهر بها " ياغلى حبيبه "
ما درى انه ماسلك درب الهدايه والنجاه
حب زايف .. كذب يحرقهم لهيبه
نار تشوي من بغا يعشق و " تاه "
والرجولة ماضي الاوقات مجلس فاح طيبه
والرجولة وقتنا الحالي عطر ترف وشذاه
والرجولة مجد باقي غير دربه وش نبي به
والرجولة نور يسطع في ثرى الارض بسماه
والرجولة كدح له من ماضي الاوقات غيبه
بعثروا به والتبطح عندهم دارت رحاه
والرجولة قو عزم وهزم وعقولن لبيبه
والرجولة درب واللي يبغي العليا هواه
والختام اقولها وانا ولد برقا عتيبة
فيه بيتن منتظر ياخذ مع العالم صداه
من يبا درب المراجل مرحبا .. داري رحيبة
ومن يجنب عن طريق المرجلة ينزح وراه
محمد النفيعي ..
:)
|