18-07-2011, 03:54 AM
|
|
الدمعه اللي غرقت جفن مغليك =كفكفتها باطراف كمي وطاحت
انا احسب انك ترحم دموع راجيك = واثرك تموت بشكلها لين ساحت
حاولت اخفيها عن الناس واخفيك = لاشك ورقا الوجد بالروح ناحت
لا عاد تجفاني ولانيب جافيك = مافيه روحن بالفراق استراحت
ياللي خيالي غارق ن في طواريك = نفحات عطرك داخل الروح فاحت
لا وا عذابي منك لا قلت وش فيك = اصغر ضلوعي من سبايبك صاحت
هذا قصيدي يفتخربك ويهديك = من نسمةٍ هبت بروحي وراحت
|