[أحاسيس]

نومك مرض ولا المرض .. قلة النوم
مدري ولاكن يامنـى القلـب كافـي!
،،
ساعه تبرد خاطري... وباقي اليـوم
تغيب ماكنـك مـن شـوي لافـي!
،،
اشواك تنثرها على خطـاي وسهـوم
وامشي على شوكك ولوكنت حافـي!
،،
ياليت لوكـان الدفـا كومـة هـدوم
زمان كان الشـوق باصـدر دافـي!
،،
انوخ اركاب التعـب عنـك.. واقـوم
وانـا الصبـر وده يشقـق لحافـي!
،،
لو الوصل من قسوتـك يقـدر يلـوم
عود عليك وقال..وشفيـك جافـي.؟
،،
تصحى . ولا تسألني ! اخبار وعلوم ؟
وتنـام قبـل اقـول نـوم العوافـي!

الموضوع الأصلي: تصحى . ولا تسألني ! اخبار وعلوم ؟ .... وتنام قبل اقول نوم العوافي | | الكاتب: أحاسيس | | المصدر: شبكة بني عبس