[اسرار]

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black""]الليله الخفجـي تبـارق نجومـه
لا والله الا صاير الخفجي سهيـل
وللشعر وقت وللرجاجيل قومـه
وهذا هو وقت الشعر والرجاجيل
يامرحبا باللي يشـرف قدومـه
ابـو معـاذ وللنشامـا مداهيـل
اصدق من افعاله لربعه علومـه
مثل النهار اللي جلا حالك الليـل
ماغير رفعة شان ربعه لزومـه
ومن شانهم بعد المدى ماثنى حيل
منا ومنـا كـل مجـدا يهومـه
من دار اخو مريم ونوره الى النيل
صحى قلوب كانت بحلـو نومـه
من الشتات الى مكان التواصيـل
اثرى وقوى للرشيـدي عزومـه
ماكنه الا للعداء جـارف السيـل
مانشوفه الا ياجماعـه حكومـه
ومهما كبر من امر عنده تساهيل
والعولمه ماغيرت من سلومـه
بالعكس جدد للسنيـن المقابيـل
قولو معـي يالله تمـدد بيومـه
زعيم عبس ورمز للمجد والجيل [/POEM]

الشاعر: حميد حمدان الرشيدي

اخي الحر ... مبارك الدويله ... انسان يفخر به كل من ينتمي الى قبيلة بني رشيد .
نعم مبارك الدويله ... بذل الجهد الكثير من اجل ربعه وقبيلته داخل الكويت وخارجها ...
مبارك الدويله ... بختصار ... نادر ... وكثر الله من امثاله ... واطال الله بعمره ..

حميد الرشيدي ... شاعري ... يطربني .. وينتشيني الى السمو بقوة معانيه وشاعريته الجزله .
احب اقراء له ولا امل من قراءة قصائدة .. ولكن شاعر قليل التواجد وقليل النشر .. ولا ادري
عن اسباب هذا الشاعر المتمكن بعدم ظهوره . وهذه القصيدة جمعت بين الطيب والشعر .

اشكرك اخي الحر .. وانتظرني على متابعتك .. كل قصائد حميد الرشيدي .