ناصر محيا
سلام ردية وفا مني على كل الوجود=ونادو عميد الشعر ابن جحشان زين المذهبي
اليله اليله نبيها من سنوداّ في سنود=ونا لامن قلت كل الهرج عندي يعربي
الجحش
يامرحبا ترحيبتٍ تقدح مثـل قـدح االزنـود=وإن كبرت القاله تراء حلّ الصعائب بشنبـي
دوّرت في سوق الملابس من جداد ومن جرود=قمت اتقيّس لكن اطول ثوب ماوصل إركبـي
ناصر محيا
جعلك على قوة ولكن قوة اخصامك تزود=اكيد محداّ ضربك درب الطريق الولبي
الياستر عورتك مالك هرج في كل الحدود=لو قلت واحد حرف جبنا لك حديثاّ لنبي
الجحش
الليله الماكوك فيكـم للسمـاء يصعـد صعـود=ياكبر حظ الي على الماكـوك حصّـل مركبـي
انشدك عن عذرا لها بنت ولها خمسة جدود=ماجابت الا بنـت وحـده مابعـد جابـت صبـي
ناصر محيا
اليله الماكوك فوقه خرج وعيونه زهود=وان شفت نفسه زايدة والله لا يشتال احطبي
ذي ماعرفها لكن ان بهرجتك حجوة هنود=الي يسولف مع رفيقه مادرينا وش يبي
الجحش
الله يعين الضامي الي ضاربٍ عرق النفود=لكن غريبه. كيف ياكـل بالنفـود ويشربـي
والثانيه وش مهرةٍ ماهي ركوب ولا ولود=لكن تدر من البحر والمـوج يرقـى الجنّبـي
ناصر محيا
هذي سياسه مالنا فيها نظام ولا بنود=امنا الذكى الى فيك صرت تقول بلسان الغبي
الوله والثانيه شفناك يلجحش الشرود=اثرك خابرلك طريقاّ من الحديدة لادبي
الجحش
قامـت تزلـزل فـوق راسـك مثـل زلـزال الـرعـود=قشر الصواعق وانت فوق الارض تزحف وتحبي
المسلـم اللـي مارضـت عـنـه النـصـارا واليـهـود=غيـر الخلـود وجـنـة الـفـردوس قـلّـي وش يـبـي
ناصر محيا
هذا انت ياضايع قدا مالك صدور ولاورود=والعرف واضح والعوارف عنك بكرة تكتبي
عديت في راس الطويله مير ماشميت نود=صدتك بنيشان العيار الي فراء بطن الضبي
الجحش
الضائع اللي ماقدر ينقض ولا يعقد عقود=متجـوّدٍ بالحبـل ويـدوّر مقـام ومنصـبـي
عينك قويّه قبل مير اليوم صايبهـا بـرود=يالله دخيلك عن ردات الحظ يالحر الابـي
ناصر محيا
ذنبك بجنب الراعي الي طاوع ابليس المرود=ولانت مغفورة ذنوبك لوسبا عمرك سبي
ياجحش لاتدخل بميدان النماره والفهود=لاشفتلك مظمار شرق عنه والاغربي
الجحش
تبغـى تطيـر ولا تطيـر الطائـرات بـلا وقــود=لـو المـدرج مـن ذهـب طـرّز وصـار مذهّبـي
خصمك عميد الشعر لوعديت من عاد وثمود=ماجابـن الخفـرات مثـلـه ياهبـايـب هبهـبـي
ناصر محيا
ان طرت اطير مع السما وليا مشيت امشي ركود=وهداج لاجفت اشنون البدو نبعه مشربي
اليا حضرنا كل رجالاّ على المبدا يعود=اما خذيت التاج والا انقول ياذاك تهبي
الجحش
انـا خليجـي ميـر مـاذم الحضـارم والزيـود=اخاف اذم التونسـي يزعـل علـي المغربـي
يهب- نسناس الهبايب والعلم فوق العمود=ماغاب عن القريب ولا عن عيون اجنبـي