مساكم الله بالخير يالربع بدون مقدمات انا رجال عشقت فطيما الله لا يعيدها وتولعت فيها والحقيقة انها من رجال فيهم خير ونسبهم يشرف واخوها ومليون نعم واليوم يالربع ابي اللي يقدر منكم يتوسط لي عند البرمكي تكفون ياعبس واخص العمدة والزيدي وابالخلاء نبا نخطب من الكاولي وانا مسوي بويتات اسمعوهن انتم وياه الله لايهينكم (على الله يثمر)
من ديرة ابن حسين شرقي سراييل= دار الشريف اللي يحيي الطراقي
يالكاولي جينا على قرح الخيل=قب الاصايل مدركات السباقي
جيناك ياملفا زحول الرياجيل= ياللي صدا صيتك تعدا العراقي
يامثني الترحيب يامقلط الحيل=لضيوفكم بمثولثات الحلاقي
ياللي بغاديدك بها يذعر الهيل=وفيها لعصمان الشوارب مذاقي
جيناك مانرسل عليكم مراسيل=النا لزوم ن تقدره يالشلاقي
جينا نخطب ام الرموش المظاليل=بنت النشاما طيبين العماقي
يازين طرحتها ليا دلقس الليل=بالخيمة اللي ماعليها رواقي
ويازينها بين البهم والمخاليل=تمشط شعرها في عبيس النياقي
بالديرة اللي جعل وبل المخاييل=يروي ثراها من صدوق ن حقاقي=
وليا كتبتوا لي على ام المجاديل=وجينا بكل اللي تبا من صداقي
نذر ن عليه واشهدوا يارياجيل=انه ملاك ن مايعقبه طلاقي
وسلامتكم
|
والله انك تستاهل ولكن البنت متزوجها السبع الضاري له خمس اعوام ومعها غويش والله يوفقهم في حياتهم الزوجيه
اهلا هلا مايمعط الوادي السيل= من مرزمات السحب وبلن حقاقي
وعداد ماترزم بكارن مباهيل= ارزام دره لاترازم فواقي
ومادرهمت خلف القطيع المخاليل= تلعب طرب كنه بيوم السباقي
بالصاحب اللي صار من طارف النيل= وانا احسبه من نجد ولاسم باقي
العذر الك يابن الرجال المشاكيل= ان الوضع فايت ياواف العماقي
عشت فطيما بالغنم بالدراكيل= وجاها السبع وتوافقو بالتلاقي هههههههههههههه
وجوزتها في سنة الله وماقيل= بعقدن صحيح اموثقينه وثاقي
وسلم ياساس متعبت قرح الخيل= لو الخبر باقن بعلمه بواقي