ترى البشر ياخـوك منقسمه أقسام .. بين الردى و الطيـب شفـت الحقايــق
لقيــت من صلى و زكا و من صـام .. و لقيت منهـو لأقـرب النــاس بايــق
لـقيـت مــن قـلـبـه حـقــود و نـمــام .. ولـقــيت مـن قلـبـه يـعـــز الــرفايـق
ولقيت من يبني الأمل فوق الأوهام .. واللــي يمــوت ولايعـرف العــوايـق
ولقيــت من يملك بساتيــن و أنعـام .. واللــي مـن الحـاجه ينــام متضايـق
الله خـلــق هالخلــق سـاده و خــدام .. ذي دبــره الـرحمــن رب الخـلايــق
وآخـرك يابن آدم ترى قطعة الخـام .. أمــر أكيـــد ومـا يـبـيـلــه وثــايــق
يالله عسـى ماكـون قطــاع الأرحام .. وعساي من عقب القبر في حدايـق
جـاك الكلام وخـذ معـه بصمه إبهـام .. أن العـمــر كلــه مجــرد دقـايــق