[الفجواني]

مساء الخير ـ هالمره ـ بلاش آسف على التأخير

.................... ....... مدام الرد بعيونك دموع فكل تأخيره


ثقل دم العذر ، والا كسح وجه الخطا تبــــرير

.................... .....مدامك عارفه طبعي . أجل وشوله الحيره


ترى ماجيت لجل اسمع سواليفك عن التقصـــــير

.................... ... أعرف ان الخطا مني (بلاش نعيد هالسيره)


انا وانتي بهالدنيا تحملنا بعضنا كثيـــــــر

.................... .... تعوّدتي على عنادي ، وصرت آحب هالغيره


انا وانتي حكايتنا مثل : صدر السما والطيـــر

.................... ... كثير اللي يطالعها ،، ولحدٍ طالها غيره


انا وانتي حكايتنا .. مثل لعبه ، وطفل صغيـر

.................... ....مع انه دوم يهملها رفض يسمحبها لغيـره


انا وانتي .. وشاوصفلك ؟ عجز عن وصفنا تعبير!

.................... . مثل ! مدري ! مثل وشو ! ولكن صعب تصويره


انا وانتي ـ بلاش انتي ـ أنا ـ لو بفقدك شيصير

.................... .. عليم .. الله لو ماانتي .. فلا مريت هالديره


أحبك ؟ ايه أحبك .. ذي بعد يبغالها تفكــــير

.................... يخلف الله على عقلٍ ملكتي كل تفكــــــــيره


تعالي .. نحترم ( شيبة غلانا ) .. لعنبو التصوير!!

................... تعالي نغتنم فرصة لقانا دامها قصيـــــيره


ومساء اللي تبي ، حاضر ولاتزعل ( صباح الخير )

................... أنا كل يوم بتأخر .. اذا في دمعتك خـــيره

مما راق لي ... للشاعر خلف المشعان

الموضوع الأصلي: ومساء اللي تبي ، حاضر ولاتزعل ( صباح الخير ) | | الكاتب: الفجواني | | المصدر: شبكة بني عبس