لبيه ياروح الغرام وساسه=ياوردةٍ فى مهجتى مغروسه
يافاتنه يا شامخه يا ألماسه=يحفظك رب البيت يا محروسه
غلاك بنك بخافقى مجلاسه=بنكٍ تزود بكل صبح فلوسه
وشوقك بأوردتى يبث أحساسه =كنه يطبق هجمةٍ مدروسه
إن قلت أودع ذكرك وهوجاسه=عادت علي جروحى المحسوسه
طيفك ليا منه عزف مرواسه=أضمه لصدر الوجع وأبوسه
ليت الغياب اللى ذبحنى باسه=يعلمك وشلون حدة موسه
وش ذنب من ودع فرحه وناسه=وضاقت عليه الارض فى ملبوسه