من فجر الله وانا مغير اركض من مكان لمكان رحت اسحب فلوسي واسكر حسابي
قالوا لي ماعندهم فلوس كاش والفلوس مستعملة ماهي ارقام متسلسلة مع انى معلمهم قبل اسبوعين يزهبون الفلوس بس العجيز نست عجوز ابليس اكتبت الطلب وضيعتة, ولما حولت الفلوس مرتين وهي تغلط بالتحويل وكل تحويل عطلنى نص ساعة, قلت يمكن خيرة ولما قلت بسكر حسابي قالولي فية تقريبا الف دولار للحين ماردت لحسابك من شركة ابل يعنى بالعربي مااقدر اسكر الحساب لين تدخل الفلوس بحسابي سويت وكالة حق الكويتى اللى بعدي وقلت له ياحبيبي سكر الحساب وبعدين جيب الفلوس
رحت المطار اودي الشناط ولما دخلت الشناط قالت لى الشنط لازم اخذها بنيويورك ماراح اتسويلها شيكن للكويت
قلت لها ولية طبعا بالانغليزي قلت لها ولية
عاد هي قالت لى كذا طبعا بالانغليزي قالتها
قلت خلاص ياوخيتى يعنى اوكية ياسستر وديها نيويورك والله يعينى علي سحب الشناط ولما جت تعطينى البوردينق جان يخرب الكمبيوتر قلت ولية راحت للثاني ويعلق الكمبيوتر والكمبيوتر اللى علق اخذه فترة معلق لين الله هداة وعطاني البوردينق
وبكرة يقولون مطارنا فية عاصفة والله يستر شكلي برجع الكويت مشي :)
؟