من اول اسولف مع اصحاب واجناب=واليوم ..مالي بالسوالف إرآده
إلا ليا من جيت ياسيد الاحبآب=احس بقدوم الفرح والسعاده
يرتاح لك قلب ٍ من الحب منصآب=وينآم جفن ٍ ما اهتنى في رقآده
وان غبت اللي يبي خاطري غاب=لأنك هوى بالي وغاية مراده
اسكت ولو عندي من اعز الاصحاب=لأن السكآت بغيبتك صار عاده
تلحقني الشرهه من اصحاب واقراب=واقول : يكفي .. ما اتحمل زياده
مالي بكثر الخلق لو جوني احزاب=مثل الغريب اللي بعيده بلاده
شعر/ سعد عوده الرشيدي