اقتباس : من مشاركة مجرد اسم
الجبـال اللـي تزحـزح مـا تـزيـح = والغصـون أدنـى هبـوب تزولـهـا
اعتـنـز عـلـى جـبـل و لا تطـيـح = الجـبـال تــذرّي الـلــي حـولـهـا
والصراحـة مزعجـة وأنـا صـريـح = تزعـجـك مــا تزعـجـك بآقولـهـا
شاعرٍ موهوب و لساني فصيح = وسابـحٍ عـرض البحـور و طولهـا
والأفاعـي روسهـا تنـدح نـديـح = والعقـارب سمّهـا فــي ذيولـهـا
ما على الدنيا ضميـرٍ مستريـح = كــل خـلـق الله تـعـن خيـولـهـا
ذا يــون وذا يـحـن و ذا يـصـيـح = و ذا يخـطّـف راسـهـا ورجولـهـا
والشعر .. هذا قبيـح وذا مليـح = وكـلـبـوهـا ســــاريٍ مفـعـولـهـا
اجلد القبيـح فـي وجـه القبيـح = وقول وشرايك؟ وأقول أصولها
وإلا أنا ماقد مدحت إلا المديح = الجمـال اللـي تشيـل حمولـهـا
و الصراحة مزعجـة و أنـا صريـح = تزعـجـك مــا تزعـجـك بأقولـهـا
وإلا تدري ما يصـح إلا الصحيـح = خـاطـب العـالـم بـقـد عقـولـهـا