اليكم الجديد بعد الغياب واعذروني عن التقصير
احساس جارف مارضى بالغبينه =من شاعرٍ تنزف جروحه قصايد
ماينظر الا للعلوم السمينه =حاسب كلامه قبل هرج النقايد
مجروح ياكثر الجروح الدفينه =عزيز نفس ووقفته بالشدايد
هرج القفا شينه على الزين شينه= يصبر ولوقلنا سلوم وعوايد
واكبر رصيده من حكي حاسدينه=لاكثروا الحساد طال النوايد
واصبح اسيرٍ للشقا والضغينه =وامسى على هم ٍ بليّا فوايد
يرخي سدال الهم شيٍ بعينه =نارالامل تبقى بقلبه وقايد
يبغى يفسر للقلوب الحزينه =حلم السنين المقبله والبوايد
واللي يعاني ياالله انّك تعينه =متلبسه همه عقود وقلايد
شعر : جميل مساعد الرشيدي