[خفوقي يحتويك]

أبكتم غصتي يمكن.أعيش بدنيتي مرتاح
وبحاول قد ماأقدر عيوني ماأبكيها

أخبي كثرة الامي ولكن ناظري فضاح
سعيت بكل مافيني حكي النظرات أخفيها





لكن مابيدي حيله لو اسكت همي نادى وصاح
يعاتبني بقوله ليه كذا نفسك تعنيها




ياهمي ليه تسكني أنا اللي أطلبك تنزاح
وإذا ماودك تسافر ترى روحي بعزيها




كتمت الاهات في جوفي وهمومي بخافقي سياح
تعبر حزني دموعي أدور من يواسيها




يادنيا من يواسيني؟ وأنا ماشفت غير جراح
جروحي أكبر همومي ولا في من يداويها




سعيت أحقق احلامي وبلحظه مابنيته طاح
ظروفي إستغلتي من أولها لتاليها




فقدنا الحب بالدنيا خساره كل شي" راح
حتى ايامنا الحلوه من التفكير نمحيها




ياقلبي إترك الذكرى ولاتسأل متى ترتاح
أخاف أجاوبك وابدا حكايه كنت منهيها

الموضوع الأصلي: 【كتمت الاهات في جوفي وهمومي بخافقي سياح!】 | | الكاتب: خفوقي يحتويك | | المصدر: شبكة بني عبس