امريكا وماادراك ماامريكا
بلاد كلها فتن تطلع السوق او تمشي بالحديقة او توقف بالبلوكونة او تفتح التلفزيون كلها فتن
يعنى وين ماتروح الحريم لبسها اغلبه فوق الركبة, واذا جاك الصيف وماارداك مالصيف العالم اهنية مالها قلب على الملابس طول الوقت بكينى ومنسدحسن سواء رجال والا حريم على حمام السباحة او البحيرات
امريكا بلد اذا راحلها الواحد جدامة طريقين اما انه يلتزم ويكون قريب من الله واما انه يفلها ويصيع صياعة عند الله خبرها
اذكر اول ماجينا امريكا العالم اهنية تبتسم اذا عينك جت بعينهم موعندنا اذا عينك جت بعينة على طول يبتدئ مكاسر العيون واللى يرمش اول واحد او اللى يوخر الناحية الثانية هذا خواف وانكسرت عينة :):) صج افكار رجعية وغبية دهورتنا
انا اول اذا جت عينى بعين احد وقعد يخزني اخزة وبعدين اغمزله بعينى واضحك وعلى طول هو يضحك وبعدها نسلم على بعض
اهنية اول ماجينا العالم تبتسم لما اطالعها والمشكلة اذا طالعت بنت وابتسمتلك على طول نقول حبتنى :):):) موشايفين خير وبعدين من كثر مايبتسمون لنا قلنا مومعقولة كل هذيلا حبونا يعنى معقولة فينا مواهب مااكتشفناها :) لكن اتضح ان الاجانب اخذوا تعاليم الاسلام وهي الابتسامة بوجة اخيك المسلم صدقة حنا اهملنا الابتسامة واستعنا بالمخازز والهواش وكم من انسان مات بسبب نظرة واهنية الكل يبتسم بوجهك لما اطالعة.
مرت الحمدالله السنة على خير بحلوها ومرها ومابقي الا اسبوعين ان شاء الله ونرجع الديرة
اشكر الله اللي حفظني من الفتن وهداني الى سواء السبيل
؟