تعال يالليل القديم / وغطّي سراج المدينه
تعبت ارددها تزين ~ وماتزين إلا ب عذابي
تعال واشتاق لعيوني .. شوفها لجلك حزينه
تعال لحّفني / ترى برد المدينه .. زار بابي
تعال يالشوق المعتّق .. من عصور الياسمينه
اشتقت لك مثل الشتا / لا اشتاق له ليلٍ سرابي
تعال واجرحني .. تراني راضي بْجرحك وزينه
ابيك ترتاح [ بعذابي ] مثل مارتحت [ بعتابي ]
تعال ياطول الصبر / واحظن بقاياي / ب يدينه
زيد المواجع وارتحلني .. وانتشلني من غيابي
تعال ياليل الحنين / اليوم محتاج / ل حنينه
شيل التعب عن كاهلي .. وارفق على موضع / صوابي
تعال ياضحكة زماني .. واستعيد احلى سنينه
مشتاق لعيونه وهي / تحكي ل [ عيناي ] اغترابي
تعال يالحلم الجميل .. وحقق آمالي ب عينه
ماعاد يتعبني السهر / واحلام .. في زهرة شبابي
تعال يا [ روح المطر ] واروي عطش صحرا ضنينه
عيد البدايه وانت تدري .. من مع الغربه بدابي
تعال ياكل العنا .. سلّم على [ راحة جبينه ]
مافيه غيره .. في ثنايا خافقي /عاش وسطى بي