بسم الله الرحمن الرحيم
السلام عليكم ورحمة الله وبركاته
يسعدني ويشرفني أقدم لكم جديدي من القصيد وهذه شيله بين ايديكم وهي بعنوان
(( محتاج لك ))
اداء الفنان المبدع / يوسف شافي
اداء المنشد العذب / فرج بن سحمي الكدادي
المقطع على هذا الرابط
×
×
الوصل .. والبعد .. مثل النار .. والجنّه=لا تبخل بشوفك .. الله يلعن الحاجه
محتاج لك والضلوع أتصارع الونّه=وكل المشاعر لجل شوفتك محتاجه
يقفي بك الامس في صده .. وفي فنّه=ويقبل بك اليوم لاكن يعلن إحراجه
أشواقك أتموت بين النون والغنّه=وأشواقي من الوفاء فالصدر وهّاجه
يالرايق اللي ضميرك مختلف ظنّه=صدري تلاطم على الشرهات بأمواجه
أهديت لك وجه عمرن لك ضحك سنه=ولا لقى منك غير الضيق وإزعاجه
صار الجفاء منك مثل الصيف والكنّه=أعيش بين اللهيب وجمر معراجه
أنا الوفي والوفاء ما ينّزع منّه=الطيب بيته .. ومدهاله .. وديباجه
وهذا جزاء من يضم العشق ويكنّه=في وسط شريانه .. وفي داخل أدراجه
عاش أيتمنى ولابه من نشد عنّه=يعيش عمره يهل الدمع ويواجه
له دعوةٍ بين وقت الفرض والسنّه=يدعي بها اللي تزور البيت حجاجه
قلبي وداعه معك في يدك وتعنّه=الله يرده لصدري صوب منهاجه
لو في رسالة وفاء من عقبها رنه= مادام درب الضياع الحلم ماداجه
ولا عاد ابي منك دام الحال منطنّه=غير الوداعه وكلن يبني ابراجه
وأعيش فالنار .. وانت أتعيش فالجنه=والامر لله .. مدخاله .. ومخراجه
وسلامة الجميع