اقتباس من مشاركة أثير الشوق
((على من تقع المسؤوليه؟))
بسم الله الرحمن الرحيم
السلام عليكم ورحمة الله
موضوعي يااخواني وأخواتي الي أبي أناقشة معاكم هو المسؤولية على من تقع في البيت هل الأب هو المسؤول الأول أم الأم أم الأبناء!
الأب مشغول بالدواوين وطلعات البر والسفر مع الربع ورحلات الصيد وماشابه
والام انشغلت بالزيارات والحفلات والتسوق
أما الأبناء ...الأولاد أنشغلوا بالبلي ستيشن والبي اس بي والأنتر نت
والبنات أنشغلو بالأنتر نت وزيارات الصديقات والجري ورا الموضه
في البيت من اللي يطبخ ؟ من اللي ينظف؟ من اللي يغسل ويكوي الملابس ؟من اللي يرتب ويحرص علي الأطفال ؟
الاجابة طبعا هي الخادمة أو مدبرة المنزل اذا صح القول
بصراحه صار مجتمعنا ماااايقدر يعيش بدون الخادمه
ياأخواني وجود الخادمة في المنزل للمساعدة بأعمال المنزل بس اللي قاعد يصير
انا نكلف الخادمة بكل شي
شنو بيصير لو الأب هو اللي يجيب اغراض البيت مو الخادمة
شنو بيصير لو الأم هي اللي تطبخ مدام هي موجوده تطبخ أحسن من الخادمه
شنو بيصير لو الأم هي اللي تهتم بعيالها في وقت وجودها بالبيت
بصراحه أنا أعرف ناس الخادمة هي اللي تدرس العيال!!
وطبعا الكل سمع بالبيوت اللي تدمرت بسبب الخدم والمسؤوليه تقع على الأباء والأمهات اللي نسوا دورهم وأهملو بيوتهم
رسالة لكل الآباء ((بيتك مسؤوليتك , وعائلتك أول اهتماماتك, فكن خير الموجة
ونعم الحريص))
رسالة لكل الأمهات (( بيتك مسؤوليتك ومملكتك, وعائلتك أول أول أهتماماتك,
ولاتتنازلين عن دورك المهم في بيتك ,كوني خير مربية ونعم الحريصه))
وأسأل الله أن يحمي مجتمعنا ويستر علينا ويقينا جميعا من كل مكروه
ودمتم جميعا بأحسن حال انشاء الله
تحياتي ....أثير الشوق
|