النازي
هلا مرحبا ترحيبة(ن)كنهـا فـاس=تدوس الخطر والخوف صعبه تهابه
سمعنـا يلبناخـي بنفيـع ودواس=يقولون راحو يـم ديـرت عتابـه
خلف العايضي
يدوم البقاء ياصاحبي جمع الاحساس=على شان تعرف من حسبلك حسابه
سمعتو وانا شاهدت لاباس لابـاس=ومن يرسل المرسول يعرف كتابـه
النازي
كل مانلوح مانزل غيـر قرنـاس=وأذا خربت أعلومه كلته الذيابـه
وشلي حصل قلي بخالد وعبـاس=ومن يعرف المرسول يذكر خطابه
خلف العايضي
تمهل على هونك ترى الوزن ينقاس=ومـن يعـرف الميـزان يامرحبابـه
سرى الليل مانامت عيونك يابو نواس=تعبكـم ليذهـب دون فكـر ولبـابـه
النازي
نسولف على معنى مثبت على ساس=وأشوف الخوي غادي ولاهي غرابه
أحطك على راسي ليا صرت غطاس=نميـز هزيـل العلـم ولا صوابـه
خلف العايضي
انا عارف انك تاخذ اخبار من واس=ومعناك زايد كيلتـه مـع نصابـه
تحيزم لعلك تكسب الطيب والنوماس=لاتصبح بيوت الشعر عندك خرابـه
النازي
انا خابر انك ياخلف جيت محتـاس=وطافت على راسك سؤال واجابـه
وخلك على نظمك وسولف بقرطاس=وسولف مع أهل الدندنه والربابـه