[سحايب]

	ياطيـر لاحطيـت عينـي بْعينـك رويت لك بسكـات قصـة حياتـي مدري وش اللي صار بيني وبينك أرتحت لك مـن بـدّت الكائناتـي أستعطفك لين أرتويـت بْحنينـك ولميت من نظرة عْيونـك شتاتـي سولفت لك من غير م أسمع رطينك وقريـت لـك ماكـان بمْذكراتـي وفضفضت لك ب أسرار قلبٍ رهينك وغنيت لك حتى وأنا فـي مباتـي وشكيت لك همـي بْحـسٍّ يدينـك ويعتب عليك أن كان تجهل صفاتي لاغبت عني ف الفضاء قلت وينك؟ ويـنـك تجي,ياغايتي,يامُنـاتـي أما معـي ع الأرض والله يعينـك جرّب حياة السجن واصبر سْواتي وأن كان واكبت المسيـره بْحينـك والا ليامن طـرت خذنـي بْذاتـي خذني حرام إني على أمرك ودينك مابي معـك ياطيـري الا عباتـي هونت مـن ذاك التغطرس,لعينـك عدّلت من طيبك عواجـة عصاتـي كابرت يوم أطغى هوى النفس لينك ورضيت بُعدك لاجل أجرّب غلاتـي يكفي من الترحال!ضاعت سْنينـك بأنعم معك باقي العمر في سُباتـي وأبعتـرف ياطير,بينـي وبينـك بْلَيّـاك ماتسـوى رْيـالٍ حياتـي

الموضوع الأصلي: ياطيـر لاحطيـت عينـي بْعينـك | | الكاتب: سحايب | | المصدر: شبكة بني عبس