انا مقدر أكون إني حبيب في بعض أحوال
أنا كلي أجي وإلا أروح بعـــــــــــــــــزتي كلي
خذاني لك سؤال في عيونك والجواب محال
خذاني منك دمع في عيوني ما رضى ذلي
أنا اخترت الفراق وما دريت إن الفراق وصال
أقول إني نسيتك.. بس مدري كيف توصل لي
تجيني في الأغاني في السوالف في سؤال الحال
تجيني كل ما شمـــــــــــيت عطــــــــــرك ويتخيلي
رحلـــــــــت انت وتركت لخاطري طيفك وصبر طال
غدت ذكــــــــــــراك شمس ما تغيب وصورتك ظلي
حكيت وما لقيت من الحكي إلا النـــــــــدم موال
سكت ومت بالحسرة ولا أدري وش هو أحسن لي
أحبـــــــــــــــــــك كل ما فيني يحبك يا خلي البال
تخيلتك دواي.. وصرت جرحــــــــي الصعب يا خلي
تعبت أرحـــــــــــل مع وجيه البشر بنساك بالترحال
ولا أدري وش يجيبك في وجيه الناس.. وأهــــــلي